قوي الغصن
شفت(الظما) وش لون سوى بالاشجار
خلى قوي الغصن عيدان يباس
(غريب )ماتنشد عن الحال وش صار
ياللي سقيت القلب من مركم كاس
بحر(العيون) اللي (نواعيس) غدار
يامشغله قلبي تري القلب حساس
(حب جديد )اشعل بوسط الحشاء نار
خلاني اهذري بحبه مع الناس
وهذا ( القلم محتار ) في وصف الاقمار
خلاني ادوزن بلافكر واحساس
لا لا (تزيد الجرح) فالوقت دوار
ولاتقطع الشريان ياحد الامواس
(اول هوانا )نقطف ازهار واثمار
واليوم خليتي الهوى حيل ينداس
لا يا (العنيده) وش حصل هات الاسرار
قولي الحقيقه عندي الفكر محتاس
( عفت الهوى ) والحب يابنت الاحرار
هذا تعهد كاتبه وسط قرطاس
